Top Share KH

Sunday, 4 April 2021

ផ្ទៃមុខសរលោងស្អាតដូចកូនក្មេង ដោយគ្រាន់តែអនុវត្ត ៣ វិធីងាយៗនេះ

ផ្ទៃមុខគ្មានស្នាម សម៉ដ្ឋរលោង ជាអ្វីដែលនារីប្រាថ្នាចង់បាន ព្រោះមុខគឺជាភាពទាក់ទាញសំខាន់បំផុតសម្រាប់មនុស្សស្រី។ សម្រាប់ថ្ងៃនេះ នឹងបង្ហាញអ្នកពីវិធីធម្មជាតិ ៣យ៉ាងដែលជួយឲ្យស្បែកមុខរបស់អ្នកស្អាត និងមើលទៅក្មេងជាងអាយុទៀតផង ៖

១. ប្រទាលកន្ទុយក្រពើ

ឆ្កៀលយកសាច់ប្រទាលកន្ទុយក្រពើមួយស្លាបព្រា លាយជាមួយទឹកឃ្មុំ១ស្លាបព្រា រួចកូរឲ្យសព្វលាបលើផ្ទៃមុខ ម៉ាស្សាថ្នមៗ។ ទុកចោលប្រហែល៣០នាទី សឹមលាងចេញជាមួយទឹកត្រជាក់។ ប្រទាលកន្ទុយក្រពើ និងទឹកឃ្មុំជួយឲ្យមុខម៉ដ្ឋរលោង មានសំណើម និងជម្រុះកោសិកាចាស់ៗចេញពីផ្ទៃមុខបានយ៉ាងល្អ ដែលជាហេតុជួយឲ្យផ្ទៃមុខអ្នកភ្លឺស្រស់ស្អាតបាន។

២. ម្សៅតែបៃតង

អ្នកអាចលាយម្សៅតែបៃតងជាមួយគ្រឿងផ្សំធម្មជាតិជាច្រើនទៀតបានដើម្បីឲ្យកាន់តែមានប្រសិទ្ធភាពខ្ពស់។

លាយតែបៃតង២ស្លាបព្រាបាយជាមួយប្រេងដូងមួយស្លាបព្រា កូរឲ្យសព្វល្អ រួចលាបវានៅលើផ្ទៃមុខទុកប្រមាណ ២០នាទី សឹមលាងសម្អាតចេញ។ អាចប្រើវិធីនេះ ២ ទៅ ៣ដងក្នុងមួយសប្ដាហ៍។

៣. ស៊ុត

គោះស៊ុតមួយគ្រាប់ទាញយកផ្នែកស និងផ្នែកក្រហមចេញពីគ្នា។ យកផ្នែកសវឹកចូលគ្នាឲ្យសព្វ រួចលាបលើមុខទុករហូតដល់ស្ងួត សឹមលាងទឹកចេញរួចជូតឲ្យស្ងួតជាមួយកន្សែងទន់។ បន្ទាប់មកទៀតវឹកផ្នែកក្រហមជាមួយទឹកឃ្មុំ លាបលើមុខ ទុកចោល២០នាទីចាំលាងសម្អាតចេញ។ វិធីនេះអាចធ្វើក្នុងមួយអាទិត្យ ២ដង។

លំហាត់ប្រាណទាំងនេះជួយពន្លូតកម្ពស់បានយ៉ាងលឿន និងជួយទំរង់ឈរអ្នកឲ្យបានត្រង់ល្អ

កម្ពស់ក៏ជាប្រភេទឧបសគ្គរារាំងអ្នកក្នុងជីវិតប្រចាំថ្ងៃបានដែរ។ ជាឧទាហរណ៍ អ្នកមានរូបរាងនឹងមុខមាត់ស្រស់ស្អាតមែនទែន ចង់ដាក់ពាក្យប្រឡងជាបរវរកញ្ញា ឬក៏ដាក់ពាក្យបំរើការងារនៅលើយន្តហោះ តែដោយសារកម្ពស់មិនដល់កំរិតដែលគេតម្រូវ អ្នកនឹងបាត់បង់ឱកាស និងក្តីស្រមៃនោះ។ តែវាក៏មិនមែនជារឿងពិបាកក្នុងការដោះស្រាយនោះដែរ មានផលិតផលនឹងវិធីជាច្រើនអាចជួយពន្លូតកម្ពស់អ្នកបាន វាអាចចំណាយពេលយូរឬឆាប់តាមបុគ្គលម្នាក់ៗ។

ប្រសិនបើអ្នកមានការភ័យខ្លាចចំពោះផលិតផល ហើយចង់ពន្លូតកម្ពស់តាមបែបធម្មជាតិនោះ មកសាកព្យាយាមធ្វើលំហាត់ប្រាណតាមវិធីទាំងនេះ៖

ហើយការជួយពន្លូតកម្ពស់នោះវាក៏អាស្រ័យទៅលើរបបអាហារប្រចាំថ្ងៃរបស់អ្នកដែរ ការគេងឲ្យបានគ្រប់គ្រាន់ និងទទួលយកប្រភេទវីតាមីនទាំងនេះ ជាតិកាល់ស្យូម ជាតិដែក វីតាមីនឌី ឲ្យបានគ្រប់គ្រាន់វានឹងអាចជួយបាន៕

ប្រភពរូបភាព៖ Brightside, Freepik

Friday, 2 April 2021

អត់ចេះឌីស្សាញរូបភាព? សាកប្រើ App មួយនេះទៅមានទម្រង់ឌីហ្សាញមកស្រាប់ៗ ទាញតែរូបដាក់ស្អាតភ្លឹង

នៅពេលបច្ចុប្បន្ននេះ App ជាច្រើនត្រូវបានបង្កើតឡើង ក្នុងនោះប្រភេទក្រាហ្វិចឌីហ្សាញ ដូចជាកាត់តរូបភាព កាត់តវីដេអូ កំពុងមានអ្នកប្រើប្រាស់ពេញនិយមខ្លាំង។ មានបងប្អូនមួយចំនួន នៅមិនទាន់ចេះឌីហ្សាញរូបភាព ហើយក៏មានបងប្អូនមួយចំនួនទៀត កំពុងតែចង់ចេះចង់ដឹង អំពីការឌីហ្សាញរូបភាពយ៉ាងម៉េចឱ្យមានភាពទាក់ទាញ និងមើលទៅស្អាត។

ដោយមើលឃើញពីបញ្ហានេះ ក្រុមការងារយើង នឹងនាំយក App សម្រាប់ឌីហ្សាញរូបភាពមួយ សម្រាប់បងប្អូនដែលមិនសូវមានគំនិតច្នៃប្រឌិតរូបភាពឱ្យមានភាពទាក់ទាញ តែក៏អាចធ្វើរូបភាពរបស់ប្អូនឱ្យមានភាពទាក់ទាញបាន។ App នេះមានឈ្មោះថា Adobe Spark Post។

Adobe Spark Post គឺជា App របស់ក្រុមហ៊ុន Adobe ដែលបានធ្វើឡើង ដើម្បីបង្កភាពងាយស្រួលដល់អ្នកដែលមិនសូវមានគំនិតច្នៃប្រឌិតរូបភាពឱ្យមានភាពទាក់ទាញ។ នៅក្នុង App នេះ មានភ្ជាប់មកជាមួយនូវទម្រង់រូបភាព ដែលគេបានរចនាឡើងស្រាប់ៗ ដោយបងប្អូនគ្រាន់តែបញ្ជូលរូបភាពរបស់ប្អូនទៅក្នុងទម្រង់ដែលគេបានរៀបចំស្រាប់ប៉ុណ្ណោះ។

ចំណុចដែលពិសេសមួយទៀតនោះ វាក៏អាចសារ៉េទំហំរបស់រូបភាព ដូចជា Size សម្រាប់ដាក់នៅលើ Facebook និងសរសេរអក្សរដែលមានភ្ជាប់មកជាមួយ Font ស្រាប់ៗ។ សម្រាប់បងប្អូនណា ដែលចង់បាន App នេះ យកទៅប្រើប្រាស់គឺអាចដោនឡូតបានហ្វ្រីៗ នៅក្នុង Play Store និង App Store។

អត្ថបទដោយ៖ ផែន ផាន់ណា

ប្រភព៖ business-cambodia.com

Thursday, 1 April 2021

ឡូយមែន! ក្ដារចុច Googleមានមុខងារពិសេសមួយ មិនបាច់ហត់ទេ គ្រាន់តែនិយាយក៏វាយអក្សរខ្មែរចេញ ស្វ័យប្រវត្តិដែរ

អ្នកទាំងអស់គ្នាច្បាស់ជាធ្លាប់បានប្រើក្ដារចុច ឬ Keyboard របស់ Google ហើយក្នុងនោះផងដែរក៏មានភាសាខ្មែររបស់យើងផងដែរ។ ក្ដារចុច Gboard គឺជាឈ្មោះរបស់កម្មវីធី Keyboard មួយ ដែលបង្កើតឡើងដោយក្រុមហ៊ុន Google ក្នុងនោះមានទាំងភាសាខ្មែរ និងភាសាជាច្រើនទៀតនៅលើពិភពលោក។

Gboard ត្រូវបានអាប់ដេត នូវមុខងារកាន់តែពិសេសមួយទៀត គឺ Voice Typing ដែរអាចរត់អក្សរដោយខ្លួនឯងបាន ដោយគ្រាន់តែយើងធ្វើការ និយាយបន្លឺសម្លេងប៉ុណ្ណោះ។ នៅក្នុងមុខងារអាប់ដេតថ្មីនេះ មិនត្រឹមតែឱ្យរត់អក្សរអង់គ្លេសប៉ុណ្ណោះ វាក៏អាចដំណើរអក្សរខ្មែរបានផងដែរ។

ងាយស្រួលទេបើបងប្អូនចង់ប្រើមុខងារ Voice Typing នេះ គ្រាន់តែចុចត្រង់រូបមេក្រូ ដែលមាននៅលើរូប Keyboard ហើយនិយាយអ្វីដែលអ្នកចង់ឱ្យវាសរសេរ នៅពេលលោកអ្នកនិយាយចប់ វានឹងលោតពាក្យដែលអ្នកបាននិយាយ ចេញជាអក្សរ ឱ្យលោកអ្នកបានយ៉ាងល្អ។

រៀបភ្ជាប់វាស្រួលទេ សម្រាប់ទូរស័ព្ទដំណើរការដោយប្រព័ន្ធប្រតិបត្តិការ Android សូមចុចដំណើងកម្មវិធី Gborad របស់ Google បន្ទាប់មកចូលទៅកាន់ Sitting ហើយចុចយកពាក្យថា Additional Setting -> Keyboard & Input Method -> Google voice typing រួចហើយសូមបងប្អូនជ្រើសរើសយក "ភាសាខ្មែរ" ហើយចុច OK ជាការស្រេច។

ហើយបើសិនជាបងប្អូនចង់បានកម្មវិធីនេះ គ្រាន់តែចូលទៅកាន់ Play Store ឬ App Store បន្ទាប់មកវាយពាក្យថា Gboard រួចចុច Install ដើម្បីដំណើរវាជាការស្រេច។

អត្ថបទដោយ៖ ផែន ផាន់ណា

ប្រភព៖ business-cambodia.com

ចំណាយពេលតែ ១០ នាទី រៀងរាល់ថ្ងៃមុនពេលចូលគេង ដើម្បីទទួលបាន ជើងស្រឡូនស្អាត

ពេលខ្លះចង់ទៅហាត់ប្រាណយករាង Goal នឹងគេដែរតែខ្លាចរាងមិនស្រឡូនស្អាតដូចគេបែរជាឡើងសាច់ដុំ មិនស្អាតទៅវិញ ។ បើសិនជាអ្នក មានរាងតូចល្អិត ហើយតែមានជើងមិនស្រឡូន មិនសមនឹងដងខ្លួនទេនោះ គួរតែសាកល្បងលំហាត់ប្រាណនេះ ទាំងមុនពេលចូលគេង។

លំហាត់ប្រាណ ទី ១ ផ្កេកខ្លួនរបស់អ្នក បន្ទាប់មកលើកជើងស្តាំឡើងលើចុះឡើងៗចំនួន ២០ ដងហើយ ៣ ដង ក្នុងជើងម្ខាង។

លំហាត់ ប្រាណ ទី ២ លំហាត់ប្រាណប្រភេទនេះមិនត្រឹមតែមានប្រសិទ្ធភាពក្នុងការជួយអោយ ជើងស្រឡូនស្អាតប៉ុណ្ណោះទេថែមទំាងជួយអោយក្បាលពោះរាបស្មើថែម ទៀតផង ។ ទម្រេតខ្លួនដោយមានដៃទ្រទំងន់ខ្លួនអ្នក ហើយលើកជើងចុះឡើងដូចរូបខាងលើនេះអោយបាន ២០ ដងក្នុងមួយសារ សរុប ចំនួន ៣ សារ។

លំហាត់ ប្រាណ ទី ៣ ផ្តេកខ្លួនរបស់អ្នកលើគ្រែ រួចបញ្ឈរជើងទាំង២ឡើងលើ ដោយដាក់កែងជើងអោយទល់ជញ្ជាំង ហើយលើកជើងចុះឡើងអោយរូបខាងលើ នេះ ចំនួន ២០ ដង ក្នុងមួយសារ ចំនួន៣ សារ។

ប្រភព៖ girlstyle-kr

ចេះតែឆ្ងល់ៗ ! ស្រ្តីអាជីវករម្នាក់ បេីកតូបលក់ដូរយូរបិទជាងគេ ពេលទៅមើលស្រាប់តែប្រទះឃើញ….

ម្នាក់ៗចេះតែឆ្ងល់ថា ហេតុអ្វីអ៊ំស្រីម្នាក់នេះ បើកលក់ដូរក្របិទម្ល៉េះ ខណៈអ្នកផ្សេងទៀត គេបិទតូបអស់ទៅហើយនោះ ដល់ពេលក្មួយមកដល់ ឃើញដេកនៅលើគ្រែលក់សាច់គោ ដាស់ក៏មិនងើប ក៏ស្រែកផ្អើលឆោឡោ ដល់អ្នកជិតខាងមកមើល ទើបដឹងថាគាត់បង់បង់ជីវិតទៅហើយ។

ហេតុការណ៍នេះ បង្កអោយមានការភ្ញាក់ផ្អើលកាលពីវេលាម៉ោង១០និង៣០នាទីយប់ថ្ងៃទី២៨ ខែមីនា ឆ្នាំ២០២១ ស្ថិតត្រង់ចំណុចផ្សារចាស់ ផ្លូវលេខ១៥ ក្នុងភូមិ៥ សង្កាត់វត្តភ្នំ ខណ្ឌដូនពេញ រាជធានីភ្នំពេញ ។

សពជនរងគ្រោះ ត្រូវបានគេស្គាល់ ឈ្មោះ សុខ ផា (ហៅយាយម៉ាប់) អាយុ៥៤ឆ្នាំ ជនជាតិខ្មែរ មុខរបរលក់ដូរ នៅកន្លែងកើតហេតុ ស្នាក់នៅផ្ទះលេខ២២E1Z ផ្លូវលេខ១៤៨ សង្កាត់ផ្សារកណ្ដាលទី១ ខណ្ឌដូនពេញ រាជធានីភ្នំពេញ។

យោងតាមការបំភ្លឺរបស់ឈ្មោះ សុខ តុលា ភេទប្រុស ដែលត្រូវជាក្មួយសពជនរងគ្រោះខាងលើ បានរៀបរាប់ប្រាប់ឲ្យដឹងថា កាលពីថ្ងៃទី២៨ ខែមីនា ២០២១ វេលាម៉ោង១០និង៣០នាទីយប់ រូបគេបានចេញពីផ្ទះមកផ្សារចាស់ ដើម្បីជួយរៀបចំអីវ៉ាន់អ៊ំស្រី (សព)។

ប្រភពបន្តថា លុះពេលមកដល់កន្លែងលក់របស់អ៊ំស្រី ស្រាប់តែឃើញគាត់ដេកនៅលើគ្រែលក់សាច់គោ ទើបខ្លួនចូលទៅដាស់គាត់ឲ្យងើប ប៉ុន្តែគាត់ពុំដឹងខ្លួន។

ប្រភពបន្តថា ភ្លាមនោះ ខ្លួនក៏ស្រែកហៅបងប្អូនឲ្យមកជួយមើល ទើបថាដឹងអ៊ំស្រីបានស្លាប់បាត់ទៅហើយ។ តាមការបញ្ជាក់ពីប្រភពដដែលនេះ ថា កន្លងមកអ៊ំរបស់ខ្លួន មានជំងឺលើសឈាម និងទឹកនោមប្រៃ ប្រចាំកាយ។

ក្រោយពេលកើតហេតុ កម្លាំងសមត្ថកិច្ចជំនាញ បានចុះទៅដល់កន្លែងកើតហេតុ ដើម្បីធ្វើការពិនិត្យ រួចបញ្ជាក់ថា ជនរងគ្រោះស្លាប់ដោយសារគាំងបេះដូង អាចបណ្ដាលមកពីជំងឺលើសឈាម និងទឹកនោមប្រៃ៕

ប្រភព : bestnewskh.com

អាហារសម្រន់សុខភាពដែលគួរញ៉ាំខណៈកំពុងធ្វើការពីផ្ទះ

អារម្មណ៍នៃការធ្វើការពីផ្ទះគឺវាមិនដូចជានៅក្នុងការិយាល័យឡើយ។ នៅផ្ទះគឺមានការំខានច្រើនពីក្រុមគ្រួសារបងប្អូន និងបរិយាកាសជុំវិញខ្លួន ហើយការទទួលទានវិញនោះរឹតតែមិនសូវបានយកចិត្តទុកដាក់ទេដោយសារការខិតខំប្រឹងប្រែងធ្វើការ។ មនុស្សជាច្រើនមានអារម្មណ៍ធុញទ្រាន់ និងអស់កម្លាំងជាញឹកញាប់ពេលធ្វើការនៅផ្ទះ នេះដោយសារតែកង្វះថាមពលពីភាពសកម្មនឹងរបបអាហារដែលអ្នកកំពុងតែបរិភោគ។

អាហារទាំងអស់ផ្តល់ថាមពលដល់អ្នក តែមានអាហារខ្លះទៀតអាចជួយបង្កើនកម្រិតថាមពលរបស់អ្នកថ្វេរដងដោយសារវាមានផ្ទុកសារធាតុចិញ្ចឹមខ្ពស់។ អាហារសម្រន់នឹងភេសជ្ជទាំង ៧ មុខនេះដែលសម្បូរសារធាតុចិញ្ចឹម និងអាចផ្តល់ថាមពលឲ្យអ្នកបានយូរ ឆ្អែតបានយូរជាងប្រភេទអាហារដទៃ៖

១. ផ្លែចេកទុំ

២. ប្រភទដំឡូងជ្វា

៣. ផ្លែប៉ោម

៤. ស៊ុតមាន់ស្ងោ

៥. គ្រាប់ធុញ្ញជាតិ

៦. តែបៃតង

៧. កាហ្វេ

លើសពីនេះទៀតវាជាប្រភេទអាហារដ៏សំខាន់សម្រាប់សរីរាង្គកាយជាមួយនឹងប្រភេទវីតាមីន និងសារធាតុប្រឆាំងអុកស៊ីតកម្មជាច្រើនប្រភេទ។ សមាសធាតុទាំងអស់នោះចូលរួមក្នុងការផលិតថាមពលនៅក្នុងកោសិការបស់អ្នក ហើយពួកវាទាំងអស់សុទ្ធតែផ្តល់អត្ថប្រយោជន៍ដល់សុខភាពជាច្រើនផ្សេងទៀត។ ប្រសិនបើអ្នកចង់បានថាមពលបន្ថែម គួរញ៉ាំប្រភេទអាហារទាំងនេះជាអាហារសម្រន់របស់អ្នក វានឹងអាចជួយបាន៕

ប្រភពរូបភាព៖ Freepik